A pesar do medo que lle inspira o coche, Vero vese obrigada a conducilo polas estradas da contorna para atender as necesidades da casa de turismo rural, que está en boca de todos debido á súa nova hóspede. Trátase de Valentina, unha muller que no pasado deu moito que falar entre a xente da vila e que agora segue a levantar paixóns entre os homes.
Con todo, Barrantes prefire compartir o seu tempo con Cristóbal, un experto na pesca da troita que tamén está aloxado en Casa Manola e que vai ao río para poñer en práctica todos os seus coñecementos.
