Na edición deste domingo de “Camiños de Irmandade”, unha serie bilingüe, en galego e portugués, en que dous peregrinos percorren o traxecto Lisboa-Fátima-Santiago, a acción sitúase na capital lusa, onde Margarida trata de explicarlle a Daniel o glorioso pasado do seu país. El ten unha actitude irrespectuosa e as diferenzas históricas entre Portugal e España semellan reproducirse entre eles. Despois de tanta tensión, terán que encontrar o modo de reconciliarse.
