Na estrea desta noite, Fernando Carrillo, mergullador profesional, descubridor de naufraxios e profesional do salvamento marítimo, levará os espectadores da TVG a coñecer o Matthew Cay, un vapor inglés afundido a 50 metros de profundidade na costa de Fisterra.
Desde o seu afundimento en 1887 o Matthew Cay foi coñecido polos mariñeiros como o pecio da Carraca, ata que Fernando atopou a campá do barco e pescudou o seu verdadeiro nome. Aínda que para os pescadores seguirá sendo o pecio da Carraca.
