A artista do Incio Lucía Pérez presenta o seu novo sinxelo “¿Qué más da?” e rende homenaxe á súa vila natal co tema “O Incio”. A orixinal formación Os Carunchos pon o toque tradicional. Esta banda é ben coñecida por mesturar temas cantados da tradición popular co repertorio máis coñecido dos gaiteiros galegos.
A cantante pontevedresa Marietta, que deu os seus primeiros pasos na música da man de Ana Kiro, interpreta “O seixo branco”, un tema do seu segundo disco, lanzado recentemente.
Na sección “Agora ou Nunca”, Nerea Visiers e Seba Suárez amosan as súas dotes artísticas. A primeira, interpretando “Y si fuera ella” de Alejandro Sanz e, a segunda, con “Bailar Pegados”, de Sergio Dalma. A “A Jrileira” enfronta ao karaoke a Bea e José Antonio; en “Canción dedicada”, dous namorados, Lola e Pepe, de Lalín, falan dos inicios da súa relación.
