'Bamboleo' é unha gran festa. Unha das orquestras de maior renome, a Charleston Big Band, abre o programa para ofrecer os seus temas máis actuais. Javi Cantero, o fillo do Fary, convidado estrela , presenta novo disco e fai gala da graza que o caracteriza. Na sección artistas de galegos, Pili Pampín pon o público en pé cos seus temas. E tocan chistes: Víctor Bascoy e Pedro Calvo non se cortan un pelo á hora de defender a súa postura, o que sexa con tal de gañar os favores do xurado e facerse co triunfo facendo rir. Cristian Álvarez e Patricia Martínez, unha das parellas top de baile do momento, poñen toda a carne no asador e interpretan dous fermosos bailes. O momento cumio da noite chega coa 'ITV do Amor', a sección máis quente do programa, na que os participantes loitan por facerse co premio e as risas están aseguradas.
