Tras a morte da súa tía, a xuíza Ana Ledo regresa, despois de 20 anos, á aldea que a viu medrar, Augasquentes. Na metade dunha crise profesional, aceptar a praza de xuíza da pequena localidade convértese na única posibilidade de continuar exercendo a súa profesión. Cun inquebrantable sentido da xustiza, Ana Ledo non deixará indiferente a ninguén en Augasquentes, aínda que para iso terá que enfrontarse aos casos xudiciais máis tolos e mesmo aos seus propios veciños.
