No segundo capítulo de "As Nosas Rúas" abordamos tres figuras importantes das rúas da cidade da Coruña. A primeira é Juan Flórez, alcalde da cidade herculina en dúas ocasións e gran impulsor do ferrocarril en Galicia. O segundo personaxe é Isabel Zendal, recoñecida pola OMS como a primeira enfermeira en misión internacional na importante Expedición Balmis, viaxe de carácter filantrópico que axudou a espallar a vacina da varíola por todos os rincóns do Imperio Español entre 1803 e 1806. O terceiro e último personaxe é Juan Sebastián Elcano, o primeiro mariño da Historia en realizar a circunnavegación da Terra.
