O espazo da TVG viaxará de norte a sur e de este a oeste, pasando por Trintxerpe, Ermua, Ayala, Eibar, Lasarte-Oria, etc. e máis vilas do País Vasco para coñecer historias cargadas con moito “ADN Galego”. Así, por exemplo, moi preto de San Sebastián está Trintxerpe, un fermoso recuncho mariñeiro no concello de Pasaia, ao que chamaban “o barrio galego”, xa que naceu no século pasado como mazá de vivendas para aloxar os pescadores galegos. No feito de que se creara esta pequena Galicia en Euskadi ten moito que ver a figura do armador Francisco Andonaegui, fundador dos estaleiros Andonaegui en 1908, e que viu nos mariñeiros galegos un valor imprescindible para o desenvolvemento do seu negocio.
