“Actualizados” convídanos a facer un percorrido por algúns dos lugares de Galicia con mellores vistas. Un deles é a praia das Catedrais, en Ribadeo, un dos recunchos máis coñecidos do país, que no programa se pode observar a través dos ollos de Antonio, un pintor de 77 anos que leva máis de sesenta anos observando e pintando cada recuncho deste monumento natural. A ruta tamén pasa por Trasmañó, en Redondela, onde o restaurante Coto del Águila ofrece a posibilidade de comer gozando dunha vista privilexiada, coa ría de Vigo aos pés.
As cámaras do programa tamén rexistran a estampa urbana que poden ver os profesionais encargados de limpar as ventás de edificios como a Torre de Cristal ou algúns dos hoteis máis emblemáticos da cidade.
Tamén coñecemos unha fotógrafa de Cangas que aposta por paisaxes pouco convencionais para as reportaxes de vodas.
