Onde comer cantidade e calidade ao mellor prezo? A esta pregunta dálle resposta cada semana o programa “A Xantar!”, que amosa os establecementos máis particulares de Galicia. O programa desta semana vai de comer comida que viaxa directamente do campo ou do mar á mesa, coa presenza das cámaras de “A Xantar!” en lugares de obrigada visita de Lugo, Sobrado dos Monxes e Corrubedo. Na cidade lucense, a cita é no restaurante España, en Sobrado dos Monxes o programa achégase ata a Casa do Queixo e en Corrubedo a parada é na Taberna de Benboa. Calquera deles é sinónimo de cantidade, calidade e bo prezo.