Imos percorrer parte do Camiño de Santiago, o da Vía da Prata, pero ímolo facer dun xeito moi especial, a través da música. Por algo o festival do que lles imos falar agora se chama Camiños Sonoros . Nel están implicados un cento de alumnos de varios conservatorios galegos que en moitas ocasións teñen o seu primeiro contacto co público. Concertos que ademais se desenvolven en escenarios que teñen un encanto máis que especial. Un deles é a praza das Praterías de Santiago, que esta fin de semana acolle algúns destes recitais. Para falar deles temos a súa directora artística, Andrea González, e a unha das alumnas participantes, Nadia Vázquez..