Unha familia obsesionada co fútbol e outra á que o mundo futboleiro tanto lle ten, deberán intercambiar os seus campos de xogo ao longo dunha semana. Abdón é músico e vive en Corrubedo coa súa nai, Paquita. Na casa da costa teñen auténtica devoción polo Celta de Vigo.
Manolo vive coa muller e dúas fillas en Castroverde, Lugo. O seu mundo son as vacas e o monte. Os deportes, en xeral, e o fútbol, en concreto, espertan pouco interese nesta familia. Prefiren verbena e tradición para empregar o tempo de ocio. Este lucense non entende de praia nin sol e abandonar máis dun par de días a súa contorna, supón unha perda de tempo.
