Neste emocionante formato de gastro-homenaxes, Adrián Díaz lidera un equipo de cociñeiros e amigos que, en cada programa, se achegan a un punto da nosa xeografía para argallar unha importante e sentida homenaxe a alguén que o mereza (moito). No programa de hoxe, o elixido é Rafael Pazos, un home que dende moi novo prestou servizo como voluntario no seu concello, ata pasar a formar parte de xeito profesional dos servizos de emerxencias da vila. Rafa é un home moi querido na súa comunidade, polo seu bo ánimo, humor, entrega e oficio...
