Nel programa d’esta selmana visitamos les ruines del Pozu Polio (Mieres) con Javier Bauluz y Marcos Martínez. Nesi entornu falamos con ellos del llibru-DVD “Resistencia minera”. Quedamos nun chigre cola xente de La Tarrancha pa que nos presenten el so últimu discu, “Mecigayuska”, y tamién vamos hasta l’estudiu del músicu y escritor Xaime Arias que ta acabante presentar una biografía de la cantadora de tonada Diamantina Rodríguez.
