Close

L’estraperlu. "La necesidá y l’abusu" (Domingo, 08-12-2013)

Canal: RTPA (Asturias)
Programa: Güelos
Título: L’estraperlu. "La necesidá y l’abusu" (Domingo, 08-12-2013)
Descripcion: La cartía de racionamientu nun daba pa vivir. La xente buscaba los alimentos que necesitaben nel “mercáu negru”. Los estraperlistes aprovechábense de la necesidá ayena vendiendo productos de primer necesidá a precios abusivos. 
Fecha publicación: 08-12-2013

URL:
http://www.rtpa.es/video:G%C3%BCelos_551386545867.html

Otros vídeos de Güelos en RTPA (Asturias)

El cortexu. "A la puerta casa" (Jueves, 10-11-2016)
La romería, ente cantares y bailles, yera’l sitiu onde arrancaba’l ritu que continuaba a la puerta la casa de la moza baxo la mirada atenta de la madre. Besos furtivos, contactu físicu inexistente… y asina pasaba’l tiempu, ente paseos, hasta’l compromisu formal y la boda.
La Transición. La lluz y la sombra (Domingo, 22-12-2013)
La muerte del dictador, la ilusión d’un tiempo nuevu, les primeres elecciones democrátiques, l’intentu d’involución el 23-F… Son dalgunes de les cuestiones a les que s’acerca esti capítulu, pa llegar a la conclusión de qu’aquel momentu históricu quiciabes tuviere tantes sombres como lluces.
El franquismu. "Tiempu d’escuridá" (Domingo, 15-12-2013)
Cuasi cuarenta años de falta de llibertá y d’atrasu, eso foi lo que supunxo’l franquismu. "Mui negativo pa España, con eso yá ta too dicho", esti podría ser el resume que los nuestros mayores fain d’aquel tiempo na que la sombra de la ilesia yera alargada y nun dexaba ver el sol.
El racionamientu. "Les coles de la fame" (Domingo, 01-12-2013)
La fame llegó depués de la guerra… Los alimentos de primer necesidá escaseaben. Les autoridaes repartíen les cartilles de racionamientu pa poder garrar un cachu pan, el zucre, l’aceite… Coles y coles, llargues, mui llargues, pa recoyer menos de lo necesario pa poder vivir.
Los del monte. La resistencia (Domingo, 24-11-2013)
Al terminar la Guerra Civil n'Asturies, nel añu 1937, munchos republicanos tuvieron qu'escondese en monte pa salvar la vida. Col pasar del tiempu –y hasta'l 1952– los grupos de "fugaos" organizáronse como guerrilla de resistencia. Nesti capítulu recuéyense dalgunos testimonios en primer persona d'aquellos tiempos duros.  
La Guerra Civil. "El dolor" (Domingo, 17-11-2013)
Los díes del alzamientu facista y la Guerra Civil: la organización de los milicianos en defensa de la llegalidá republicana; los bombardeos dende l’aire, los ataques dende’l mar, los tiroteos… Un viaxe pela “vida cotidiana” n’aquellos díes nos pueblos y nel frente…
La II República. "La esperanza truncada" (Domingo, 10-11-2013)
Con esti averamientu a los años 30, el focu de la serie pasa de les anécdotes de la vida cotidiana a la experiencia de la Historia. El tiempu de la II República, la revolución asturiana d’ochobre de 1934 y el primer día de la Guerra Civil protagonicen los recuerdos d’esti capítulu.
La mina II. "Del accidente a la fuelga" (Domingo, 03-11-2013)
Aseguren que nunca sintieron mieu al entrar na mina, pesie a que munchos, la mayoría, vieron morrer compañeros n’accidente… El grisú, “esi gas que te duerme” y la silicosis, la enfermedá inevitable, yeren palabres d’usu corriente. D’otra banda, solidaridá, compromisu, reivindacación y fuelga formaben parte del diccionariu de la dignidá.
La mina. "Dame tira" (Domingo, 27-10-2013)
'Negra ella y negros nosotros', dicen de la mina los mineros. A los dieciséis años yera la edá llega pa entrar, pero munchos yá taben ellí de 'guajes' a los 14. Una profesión 'de probes' qu’imprimió carácter a les persones y al territoriu. 
El sexu. "A palpu" (Domingo, 20-10-2013)
Yera un tema del que nun se falaba en casa, aprendíase na cai, colos amigos y les amigues. Asina, ensin información diben descubriendo’l mundo de les relaciones “a palpu”. El sexu pre-matrimonial, les madres solteres, los métodos anticonceptivos o la homosexualidá son dalgunos de les temes de los que nos falen nesti capítulu.
Mitoloxíes. "La trona y les bisarmes" (Domingo, 13-10-2013)
Dicen que dicíen que la lluvia yera cosa’l nuberu y que dalgunes nueches peles caleyes más escures apaecía la güestia o santa compaña. Tamién se falaba d’encantos, d’ayalgues, de xanes y diaños.El mal de güeyu, el mal del filu o los cuentos al calor de la llume tamién tan presentes nos recuerdos de los nuestros mayores. 
El chigre. "Una pinta y un cantar" (Domingo, 06-10-2013)
“El chigre ye tan importante pa la vida d’un pueblu como la escuela y la ilesia”,  centru de la vida social, sobremanera de los paisanos, yera’l sitiu nel que se falaba de les coses del pueblu y del mundu, onde se xugaba y cantaba y, claro, onde se bebía… dacuando de más.
Los inventos. "Fízose la lluz" (Domingo, 29-09-2013)
La vida empezaba a meyorar avanzando pela carril del progresu: la llegada de la lluz y l’agua a les cases foi’l primer pasu, depués llegaben la nevera, la llavadora… y, claro la radio y la televisión.
La casa. "El llar y el xergón" (Domingo, 22-09-2013)
Les cases solíen ser pequeñes, con pocos cuartos y munches cames (o xergones). Na cocina tovía convivía’l llar cola cocina carbón. Munches veces el cuartu bañu taba fuera la casa y los animales dientro, na parte d’abaxo, compartiendo’l calor cola familia. 
De romería. "Lo suelto y lo agarrao" (Domingo, 15-09-2013)
Les romeríes representaben el tiempu de diversión, amistá y cortexu. Los bailles a lo agarrao cola orquesta, a lo suelto cola gaita, les dances rituales, la puya’l ramu, la xira y les comides campestres… Momentos de felicidá compartida, siempre al ritmu de la música popular… Y como contrapuntu, el rigor relixosu de la Selmana Santa.
La Muerte. "Después del cantu la curuxa" (Domingo, 08-09-2013)
Los animales (les curuxes, los perros) avisaben de la muerte en pueblu enantes que’l sonar de les campanes de la ilesia. Depués, ente la muestra de respetu y la folixa pela que corría l’alcohol, llegaba’l veloriu. Los cures nel funeral, el tresporte del muertu hasta’l cementerio. El rigor del lutu, el tiempu del aliviu…
La salú. "Güelgues de la miseria" (Domingo, 01-09-2013)
Les condiciones de miseria nes que vivía la mayor parte de la población, potenciaben que munches enfermedaes fueren mortales, sobra manera ente los neños. Los médicos diben hasta casa pa los casos más graves, pero les güeles y les madres siempre teníen ferviechos pa dir pasando les enfermedaes más comunes.
La hixene. "La palancana y el chimbo" (Domingo, 25-08-2013)
Ensin agua corriente en casa, el primer pasu necesariu yera dir a buscala a la fonte. Una vez en casa, ayudaes por una palancana y una pastilla de xabón chimbo, les muyeres podíen dase un bañu, xeneralmente selmanal. Los paisanos salíen duchaos del trabayu. Nos meses de calor toos se bañaben en ríu. 
La relixión. "El temor de Dios" (Domingo, 18-08-2013)
La relixión. "El temor de Dios"
El trabayu. "Na fábrica y na tierra" (Domingo, 11-08-2013)
El trabayu. "Na fábrica y na tierra"
La ropa. "De los pies a la cabeza" (Domingo, 04-08-2013)
La ropa. "De los pies a la cabeza"
El partu. "Caldos de pita" (Domingo, 28-07-2013)
Los neños llegaben cuando tocaba y les families teníen una tendencia natural a ser numberoses. Los partos en casa, atendíos pola curiosa’l pueblu o por una comadrona. Depués, les madres pasaben unos díes de reposu na cama a base de caldos de pita… Y la vida continuaba’l ciclu.
La boda. "Día grande, fiesta pequeña" (Domingo, 21-07-2013)
La boda marcaba un de los díes más importantes de la vida: la ceremonia en compañía de la familia, un convite pequeñu con menú especial, la primer nueche xuntos de los recién casaos y, si el trabayu y les perres lo permitíen, un viaxe pequeñu lloñe de la rutina pa marcar el compás de la vida nueva.
L’alimentación. "La fame y les ganes de comer" (Domingo, 07-07-2013)
El ganao y la tierra quitaron muncha fame, anque nun consiguieron eliminar les ganes de comer nos tiempos de necesidá. Faltaben productos básicos como’l pan y l’aceite. ¿Cuántes comides se facíen al día? ¿Qué se comía? Son dalgunes de les cuestiones a les que s’avera esti capítulu. 
Los xuegos. "De trapu y cartón" (Domingo, 30-06-2013)
La cai yera’l tarrén de xuegu d’aquellos neños: la cuerda, el corru, l’esconderite, el pinchu-Roma, les caniques… ¿Xuguetes? Pocos: pelotes de trapu y muñeques de cartón.