Arrancamos la Romandela nel Parque Dorado de Sama col cantador Jesús Alonso, que nos va interpretar dalguna canción del conocíu cantador Xuacu’l de Sama. Pa eso va acompañanos Joaquín Martínez, fíu de Xuacu. Nel chigre de La Esquina aguárdanos un grupu d’amigos que s’axunta davezu pa cantar. Ente ellos va tar Varito, ún de los fundadores del grupu asturianu ‘Los Juvachos’. Vamos conocer la historia musical de la familia Zapico, trés hermanos apasionaos pola música del sieglu XVIII, lo que los llevó a crear l’agrupación ‘Forma Antiqva’.
