Hoixi vamus a escutal a Antonio Corredera que mus esplica por qué debemus defendel a nossa língua i u vai a fazer en Valverdeiru, una das variantis da Fala do Val de Xálima
Bos dias, Diana.
Primeiru tenhu que agradecel a vossa invitaciõ pa que expressi a minha opiniõ sobri a defensa du nossu patrimoniu lingüísticu.
Me chamu Antoniu Corredera, sou falanti valverdeiru, que é ũa das três variantis que juntu cum u lagarteiru i u manhegu se falam, ou falamus nu Val de Xálima, na Serra de Gata. Deseu manifestal que a língua de ca lugal, de ca pueblu u Estau, é um elementu que identifica às pessoas, assina comu também é um mediu pa preserval o mais preciau que temus i que mus distingui comu tais.
Cum ela reconhecemus us elementus cum u que mus hemus relacionau au largu da nossa existencia pa desarrolhal as actividais de ca dia i cum a que expressamus us nossus sentimentus mais íntimus que conformam, pur oitru lau us feitus mais notorius das nossas tradiciõs.
Em definitiva, se perdemu
