Close

Xente de mundo

CRTVG - Compañía de Radio/Televisión de Galicia

País: España
Idioma: Gallego
Contenido: Reportajes
Tema: Viajes
URL: http://www.crtvg.es/tvg/a-carta/programa/xente-de-mundo-2

Episodios disponibles para ver online

Ámsterdam - 28/10/2016 00:20
Os espectadores descubrirán todos os segredos da cidade, tanto a pé de rúa coma en barco polos canais ou ben dende as alturas, contemplando as vistas da zona vella, coas súas típicas casas de postal. Ademais, os viaxeiros probarán os famosos queixos holandeses Gouda e mais Edam e, por suposto, aprenderán o que son os coffee shops e mais o que lle dá tanta son ao barrio vermello.
Marrákex - 21/10/2016 00:30
No programa de hoxe, “Xente de Mundo” irá ata unha das cidades mais exóticas e interesantes do norte de África: Marrákex. Alí, os intrépidos viaxeiros visitarán, por exemplo, a praza de Jama el Fna, a máis grande e concorrida de Marrocos e de case todaÁfrica, con encantadores de cobras, dentistas a pé de rúa, músicos e mil personaxes máis.
Londres - 14/10/2016 00:30
 Londres, unha cidade case inabarcable pero onde, sen máis medio de transporte ca o metro e sen máis necesidade ca a de pasalo ben, o equipo do programa visitará o London Eye, nora –mirador situada fronte á torre do reloxo do Parlamento, o palacio de Buckingham ou a ponte colgante, sen perder unha soa das grandes iconas da capital británica
París - 06/10/2016 00:45
Imos ata París! Visitámola sen guía nin programa non o fai calquera, pero elas son xente de mundo e non lles importará desprazarse en metro e autobús para percorrer a cidade ata Notre Dame ou a Torre Eiffel. Cun mapa a man e preguntando se fai falta irán ata o Sagrado Corazón ou mesmo á tumba de Napoleón. Evidentemente, hanse perder, e tamén lles vai chover, pero nada se lle pon por diante a estas mulleres e será unha viaxe inesquecible para elas.
Bulgaria - 02/10/2016 00:45
Os viaxeiros que visitan Bulgaria son xa coñecidos porque xa estivemos noutros destinos con algún deles. Nesta aventura, saberán a que olen as rosas de Bulgaria, un dos aceites esenciais mais caros do mundo. Tamén se enfrontarán á gastronomía búlgara, con mellor ou peor resultado. E, por suposto, visitamos Sofía, a capital, e aprenderán moito da historia dun país que deu entre outros ao gladiador Espartaco e ao futbolista Stoichkov.
Sicilia - 25/09/2016 01:15
Romanía - 18/09/2016 00:45
Imos ata as terras de Drácula, Romanía, para descubrir a realidade deste mito: entraremos no seu castelo e aprenderán a súa historia. Pero Romanía non só é Transilvania e tamén pasaremos un día a corpo de rei no castelo de Peles, un dos mais modernos da época, que tiña electricidade e ata ascensor. Ademais, pasearemos pola capital, Bucarest, e tratará de facer unha foto diante do edificio administrativo mais grande do mundo, despois do Pentágono.
Viena - 11/09/2016 00:15
Visitamos Viena, a cidade máis chea de música e de amor do centro de Europa. Coñecida como a segunda cidade do amor, despois de París, dous dos viaxeiros pasearán polas rúas da cidade lembrando a súa primeira visita, en plena lúa de mel. E, cos demais, o programa coñecerá o palacio de Belvedere ou o Versalles de Viena e ata se animará a botar unha peza a coro. Por suposto, os viaxeiros gozarán da música clásica, e, nos bosques de Viena, baixarán ata as profundidades dunha mina onde se fabricaban avións na Segunda Guerra Mundial.
Baviera - 05/09/2016 00:15
Os viaxeiros van ter unha axenda ben apertada, porque desde a súa saída de Vigo non van parar. Uns namorados da música clásica, das andainas ao aire libre e das tradicións non podían ter mellor destino que Baviera, no sur de Alemaña.  Alí visitan desde o máis moderno, como a sede central da BMW, en Múnic, ata o máis tradicional, como as casas pintadas de Oberammergau, unha vila que leva 400 anos representando en vivo a paixón de Cristo. E, desde logo, non deixan de comer e beber auténticos menús bávaros, coa cervexa típica de alí, ou pan líquido, como lle chaman os alemáns.
Milán, Venecia, Florencia e Pisa - 29/08/2016 00:15
O programa da TVG percorrerá algúns puntos clave do norte de Italia como Milán, Venecia, Florencia e Pisa, achegándose, coma sempre, ao xeito de viaxar e de coñecer mundo dos galegos e galegas. Por suposto, o programa irá polos canais de Venecia, aínda que algún perderá os papeis negociando o prezo da góndola e quedará sen viaxe. En Milán, algunhas irán de compras tratando de arrasar co luxoso mundo da alta costura e das xoias.  Ademais, en Florencia, os espectadores de “Xente de Mundo” non darán feito con tanta arte e beleza e en Pisa verán por que a súa famosa torre está inclinada.
Bruxelas - 22/08/2016 00:15
Praga - 08/08/2016 00:15
A edición desta semana do programa “Xente de Mundo” da Televisión de Galicia vén cargada de diversión e aventuras. Polo menos esta foi a conclusión dun grupo de mulleres ourensás, todas elas curmás, despois de facer unha viaxe todas xuntas ata a belísima capital checa, Praga.
Malta - 31/07/2016 23:30
Viaxamos a Malta da man dun grupo de pontevedreses, moi falangueiros e divertidos. Con eles paseamos por cidades como Mdina, A Valeta, Senglea ou Birgu e visitamos as catacumbas nas que se refuxiou San Paulo. Subimos a un barco para coñecer enterramentos de hai 5.000 anos na illa de Gozo e participamos de comidas e risas coa Xente de Mundo desta aventura. 
Sicilia - 17/07/2016 23:15

Otros programas de reportajes >


Otros programas de TVG (Galicia) >