Close

Quérote tanto

A cantante Lucía Pérez e a actriz Arantxa Treus presentan “Quérote Tanto”, un programa con histor...

País: España
Idioma: Gallego
URL: http://www.crtvg.es/tvg/a-carta/programa/querote-tanto-1

Episodios disponibles para ver online

Rodrigo, Estrella e Lino - 27/11/2017 23:45
Lucía Pérez desprazarase ata A Estrada para coñecer a historia de Rodrigo Sanjurjo Pose, profesor de educación física pero que grazas a el o bádminton galego ten un lugar preferente no deporte galego. Na sección de “O Recuncho de Quérote tanto”, Arantxa Treus ábrelle as portas á historia de Antía que quere agradecerlle á súa nai que estivera con ela no momento máis importante da súa vida. E, o espazo tamén terá a historia de Esther, a directora da Cociña Económica de Santiago, que quere agradecerlle a Lino a súa entrega e xenerosidade coma voluntario. 
Olalla, Suso e Nati - 20/11/2017 23:45
Lucía Pérez desprázase ata o concello de Ames para coñecer a historia de Olalla García, unha moza cuxa paixón polos animais levouna a fundar a Asociación Protectora SOS Animalia.   Hoxe, grazas aos socios da fundación, coñecerase como comezou a historia de Olalla. Queren agradecerlle todo o labor que fai polos animais para conseguir, ano tras ano, a acollida e adopción dunha chea de gatiños. Na sección ‘O Recuncho de Quérote tanto’, Arantxa Treus volve ter dúas historias cheas de emoción. Por un lado, Jose quere agradecerlle a seu pai Suso toda a axuda que lle presta cada día e todos os anos que levan traballando xuntos. A seguinte será a de Pablo que lle fará toda unha declaración de amor a súa muller Nati.
O cura de Xestoso, Raquel, e Pablo - 13/11/2017 23:30
Lucía Pérez acode á chamada dos veciños da parroquia de Xestoso porque queren homenaxear o seu cura, Luís Ángel Rodríguez Patiño, unha persoa moi vital, un tanto particular, pero que desde que chegou a esta localidade supuxo toda unha revolución e unha inxección de vitalidade para os veciños da parroquia.   Na sección de “O Recuncho de Quérote Tanto”, Arantxa Treus atenderá no bar dúas historias, unha de amizade e outra de amor. A primeira, virá da man de Cristina, que quere dicirlle á súa amiga Raquel o importante que é para ela.  A segunda historia sorprenderá a Pablo, xa que el pensa que acompaña á súa parella a un casting dun concurso de talentos e o que se atopará será unha verdadeira declaración de amor por parte da súa muller, Jessica. 
José Manuel Lavandeira, e Maribel e Elisa - 06/11/2017 23:45
O equipo do programa porá patas arriba a praza de Carballo para que José Manuel teña a súa merecida homenaxe. O sorprendido desta semana está xubilado e desde hai máis 40 anos é voluntario colaborando en todo momento con Protección Civil da vila coa única misión de axudar aos seus veciños. Por outro lado, na sección de “O Recuncho de Quérote tanto”, Arantxa Treus atenderá no bar a Antía e a Ángela, dúas mozas que saben ben a quen queren darlle unha sorpresa e sobre todo agradecerlle que formen parte das súas vidas. 
Manuel Reimóndez e Sergio - 30/10/2017 23:45
O primeiro programa de “Quérote Tanto” lévanos a coñecer a Manuel Reimóndez, adestrador do equipo de fútbol sala feminino Futsal A Gaiola. Manuel leva media vida loitando polo fútbol sala feminino e a igualdade no deporte. O seu labor como adestrador e a complicidade coas rapazas do equipo é tal que as vai  buscar á casa para os partidos e implícase na súa formación persoal e académica. A comezos deste ano, e en pleno proceso de recuperación dunha operación, Manu recibe a nova de que unha das súas xogadoras sufriu un gravísimo accidente. Decide estar aí con ela e a súa familia, servindo de apoio en todo momento. Por todo isto, as cámaras de “Quérote Tanto” e Lucía Perez converteranse no cómplice perfecto para que o adestrador reciba a merecida homenaxe que lle fan as súas xogadoras, familiares e amigos. Na sección de “O Recuncho de Quérote Tanto”, Arantxa Treus abre por primeira vez as portas do bar das sorpresas para recibir a Sergio, que chega ao “Recuncho” co fin de homenaxear o se

Otros programas de TVG (Galicia) >