Os nosos sabios

Os nosos sabios nace como un espazo con vocación de servizo público que pretende achegar aos telespectadores algunhas das personalidades máis notables da comunidade galega. Unha xanela aberta ao coñecemento e as vivencias daqueles galegos que fixeron historia nas disciplinas máis diversas. Persoas cunha envexable memoria a longo prazo que, pola súa idade, o seu esforzo persoal, a súa formación, o seu traballo e a súa actitude positiva ante a vida, representan hoxe un exemplo para todos. Mediante entrevistas meticulosamente preparadas, cada semana contaremos co testemuño dun personaxe que supere os 70 anos de idade, que sobresaíse no seu ámbito profesional e que contribuíse ao progreso social da comunidade, do país ou da Humanidade.