O gato con botas
O gato con botas é o encargado de coñecer a vida detrás das cámaras dos invitados. É curioso, pre...
País: España
Idioma: Gallego
Contenido: Reportajes
Tema: Biografía
URL: http://www.crtvg.es/tvg/a-carta/programa/o-gato-con-botas
País: España
Idioma: Gallego
Contenido: Reportajes
Tema: Biografía
URL: http://www.crtvg.es/tvg/a-carta/programa/o-gato-con-botas
Episodios disponibles para ver online
Álvaro Pino - 02/03/2019 02:00
Yosi - 23/02/2019 02:00
A avoa Lolita - 16/02/2019 02:00
Paloma Lago - 09/02/2019 02:00
Francis Lorenzo - 02/02/2019 02:00
Óscar Pereiro - 04/07/2018 00:30
Manuel Manquiña vai cara ao Porriño para coñecer a Óscar Pereiro, campión do Tour de Francia no ano 2006. Esta vitoria foi un dos momentos que marcou a vida deste deportista. Pero todo gran heroe ten tamén uns principios e hoxe en “O Gato con Botas” coñeceranse en profundidade, para que a audiencia se achegue ao lado máis persoal deste deportista.
José María Fonseca - 27/06/2018 00:05
A música é a poesía do aire; produce un tipo de pracer capaz de darlles significado a sentimentos profundos que moitas veces non saberiamos expresar con palabras. Moi semellantes aos que se producen ao tomar un bo viño. Non podía faltar en “O Gato con Botas” a fantástica personalidade de José María Fonseca, fundador das adegas Terras Gauda. Manuel Manquiña e o equipo do programa visitan os seus viñedos, cantan lembrando as cancións de taberna e entran na súa casa para falar do mundialmente coñecido festival de carteis Francisco Mantecón.
Pedro Campos - 20/06/2018 00:00
Pedro Campos é o único patrón na historia da vela mundial que conseguiu cinco campionatos do mundo consecutivos. A primeira vez que un equipo español puido participar na Copa América, a máxima competición na modalidade de vela no mundo, Campos era o patrón. A participación nesta competición foi un dos momentos máis importantes na crónica deportiva galega. Desde un fermoso galeón, Manuel Manquiña repasa a vida do regatista máis premiado da historia de España e descobre a esencia deste home vinculado de forma imborrable ao mar.
Adriana Domínguez - 13/06/2018 00:00
Manuel Manquiña e o equipo de “O Gato con Botas” desprázanse hoxe ata Ourense para pasar o día coa filla dun dos artistas máis importantes da moda galega: Adriana Domínguez, que desde xullo de 2017 é a directora xeral de Adolfo Domínguez. Para coñecela mellor, o programa da TVG percorre a casa onde se construíron as primeiras pedras do gran proxecto que é hoxe Adolfo Domínguez. Manquiña tamén coñeceas novas liñas que van a seguir na marca e pode conversar con ela da súa etapa como actriz nos Estados Unidos.
Antón Costas - 06/06/2018 00:15
Antón Costas é un economista que naceu en Matamá, Vigo, no ano 1949. As súas investigacións céntranse na economía política dos procesos de liberalización, o regulamento e a competencia. O gato con botas viaxa ata Vigo, ao lugar onde estudou o convidado: a Escola de Peritos. Ademais, visita as fábricas en que comezou traballando con só 14 anos e entra na súa fermosa casa de Matamá.
Andrés Suárez - 30/05/2018 00:10
Mar, amor, praias, bicos, apertas, romances, traizóns... As cancións de Andrés Suárez, o protagonista de “O Gato con Botas”, falan disto e de máis cousas. De neno surfeaba nas praias de Pantín e xa no instituto comezaba a crear as súas primeiras composicións para a rapaza máis guapa da clase.De alí ata chegar aos bares de Compostela e logo aos de Madrid. Moitas barras, moitos amores e moitas cancións despois, Andrés Suárez é un dos cantautores con máis proxección. Manuel Manquiña pasea con el por esas praias e lugares tan especiais deste novo cantautor ferrolán.
Manuel Domínguez - 23/05/2018 00:05
Manuel Domínguez foi o primeiro chef galego en conseguir unha estrela Michelin fóra de Galicia. Neto de polbeiros, comezou a súa andaina traballando coa súa tía de feira en feira, facendo extras de fin de semana na Carballeira de Santa Cruz con vodas e banquetes e logo prácticas no Parador de Verín. Manuel Manquiña visita os lugares da infancia de Domínguez, proba un polbo como só el sabe facelo e ten o pracer de lembrar xunto a el os mellores momentos da súa carreira.
Manel Loureiro - 16/05/2018 00:05
Manel Loureiro é pontevedrés, presentador de televisión e, finalmente, autor de best sellers. Afastándose da aburrida literatura xurídica, quixo darlle unha volta á súa vida e facer outro tipo de literatura: escribir sobre zombis, algo, sen dúbida, moito máis entretido que as leis. Manuel Manquiña entra no despacho onde Loureiro dá renda solta ao seu universo; pasea con el polas súas rúas preferidas de Pontevedra; e visita o bar privado que ten cos seus amigos e a casa onde se criou, lugar fundamental da súa etapa de escritor, onde rematou as novelas máis importantes e onde se iniciou desde moi pequeno na literatura fantástica e de aventuras.
Miro Casabella - 09/05/2018 00:10
Ramiro Casabella naceu en Ferreira do Valadouro en 1946. Neto de violinista e cantor, Miro herda del a súa vocación musical. Marcha a Barcelona estudar arquitectura e alí descobre a Nova Cançó catalá. Tras gravar un primeiro disco, fai unha xira por Europa cos mellores da canción protesta. Ao seu regreso a Galicia únese á Voces Ceibes e convértese en referente histórico da Nova Canción galega. “O Gato con Botas” permítenos deleitarnos coa voz neboenta e vibrante de Miro Casabella.
Antonio Vázquez Liñeiro - 02/05/2018 00:00
“O Gato con Botas” reúnese na Coruña cun artista urbano capaz de reinventar espazos, Antonio Vázquez Liñeiro. Pintor, deseñador urbano, melómano... un artista total. Así é Liñeiro, un coruñés que desde pequeno soña con reconstruír a cidade a través do debuxo desde a súa casa do barrio de San Luís.Autodidacta e polémico, Liñeiro faise un oco no mundo do urbanismo e chega a asinar varias das obras máis senlleiras da arquitectura moderna da Coruña, entre elas o Palacio da Ópera. Para esta edición do programa, abre as portas do Grupo TAU, do que é o seu fundador e co que realizou proxectos en diferentes países. Actualmente recibe encargos de todo o mundo e dise que non hai proxecto que pase do millón de euros que non se lle consulte.
Amancio Prada - 25/04/2018 00:00
“O Gato con Botas” pasa o día cun galego de adopción: Amancio Prada. Nado en Dehesas, unha vila do Bierzo leonés, descubriu a súa vocación musical entre os labores de campo que adoitaba facer cos seus pais. O seu talento axiña agromou e abriulle as portas ao mundo. Desde o seu debut con George Brassens en París en 1972, a voz e a guitarra de Amancio Prada percorreron escenarios de todo o planeta. Hoxe, con máis de tres ducias de discos e unha chea de premios ás costas, dicir Amancio Prada é dicir poesía, espiritualidade e canción. Unha música intimamente ligada ó lirismo, a fermosura e á liberdade.
Dani de la Torre - 18/04/2018 00:00
“O Gato con Botas” queda en Compostela para coñecer de preto un dos directores de cine españois máis vistos dos últimos anos e referente estatal do cinema de acción: Dani de la Torre.Malia o seu salto á fama, Dani é un tipo sinxelo, un tipo humilde. Embaixador do seu Monforte natal, o seu nome non é descoñecido na carteleira española e faise oco na internacional.Dani de La Torre segue a ter calafríos cando ve unha alfombra vermella. Un home de cine, un home de ficción, cun gran sentido da realidade, un home que amosa que o cine de acción non está reservado exclusivamente a Hollywood.
Luís Emilio Batallán - 11/04/2018 00:00
“O Gato con Botas” ten unha intensiva sesión de musicoterapia na consulta do incombustible doutor e cantautor Luís Emilio Batallán. Nado en Compostela en 1948, segue os pasos do seu pai e estuda Medicina, unha profesión que deixa un pouco de lado cando unha guitarra se cruza no seu camiño e o empurra á súa verdadeira vocación: a música.
En 1975 debuta con “Ahí ven o maio”, álbum do que se venden máis 500.000 copias, o maior supervendas da historia da música galega. Coñecido pola súa habilidade para musicalizar poemas de grandes referentes da literatura galega como Rosalía de Castro, Celso Emilio Ferreiro ou Álvaro Cunqueiro, ten no seu haber colaboracións con Joaquín Sabina, Serrat ou Pablo Milanés.
Manuel Manquiña e o equipo de “O Gato con Botas” entra na súa casa para repasar con el unha vida intensa, dedicada á medicina rural, e na que actualmente colgou a bata, pero non a guitarra.
Manuel Gallego Jorreto - 04/04/2018 00:05
Manuel Manquiña entrevista a Manuel Gallego Jorreto, un dos arquitectos galegos máis senlleiros. Nado en 1936 no Carballiño, Gallego Jorreto foi alumno de Xaquín Lorenzo, quen lle descobre na súa infancia a súa vocación para o debuxo. Estudou arquitectura en Madrid con Alejandro de la Sota, que lle contaxia a obsesión co oficio.
Desoíndo os consellos dos mestres, Jorreto decide volver a Galicia para modernizala. Vivendas sociais, museos, teatros, templos... e ata a casa do presidente. Xenerosa e funcional, a súa arquitectura crea espazos para unha vida doada, para unha vida mellor.
Á marxe da súa traxectoria profesional, a conversa con Manquiña afonda na faciana máis íntima dun home comprometido coa súa terra e co seu tempo.
Diego González Rivas - 28/03/2018 00:15
“O Gato con Botas” pon rumbo á Coruña, onde se reúne cun médico recoñecido como un dos mellores especialistas a nivel mundial: Diego González Rivas, cirurxián torácico. De neno contaba chistes e desexaba que ninguén morrese mentres xogaba a ser actor. De nai enfermeira, Diego González Rivas aborrecía o sufrimento, un motivo que o levou a estudar Medicina e a especializarse en cirurxía torácica por ser unha das especialidades máis dolorosas para os pacientes. Sendo residente, viaxou os Estados Unidos para estudar técnicas menos agresivas e volveu cargado de ideas e de esperanza. Xunto co seu equipo do CHUAC, creou, en 2010, a técnica Uniportal VATS, única no mundo, para operar o cancro de pulmón a través dunha soa incisión no costado. Cun equipo permanente no hospital pulmonar máis importante da China, hoxe Diego é unha eminencia que viaxa por todo o mundo ensinando a súa técnica, e operando en case calquera circunstancia. Nos seus escasos ratos de lecer, divírtese practicando deporte
Santiago Bolíbar - 21/03/2018 00:00
Manuel Manquiña desprázase ata Pontevedra a coñecer un dos militares cun dos historiais máis brillantes dos últimos tempos: Santiago Bolíbar. Nace en Pontevedra, cidade onde transcorre a súa infancia e adolescencia. A súa era unha vocación inoculada no ADN: fillo, neto, bisneto e tataraneto de mariños e conserveiros, aprendeu a navegar a vela no mar de Bueu, sendo aínda un neno.
Santiago Bolíbar ingresou na Escola Naval Militar de Marín no 70, alí empezaría unha imparable carreira que o levaría a protagonizar importantes fazañas para a navegación española. Unha ampla folla de servizos entre os que figura un excepcional: a comandancia da expedición do quinto centenario do descubrimento de América sobre tres carabelas, ou a volta ao mundo no Juan Sebastián Elcano.
Con máis de 4.000 días de mar ás costas, Bolíbar foi nomeado Almirante da Flota Nacional en 2011, a máis importante distinción para un mariño militar. Un mandato que rematou en 2015, cun expediente que o sitúa ao carón dos m
Manolo Paz - 14/03/2018 00:00
Manuel Manquiña desprázase a Cambados para conversar co escultor Manolo Paz.
O artista estaba predestinado a seguir a estela familiar e dedicarse ao campo e á carnicería. Porén, decidiu dar un xiro á súa vida e optar pola escultura. Sen posibilidades de adquirir materiais caros para a talla, decidiuse pola pedra autóctona, que se converteu no seu sinal de identidade. Durante unha década foi profesor da Escola de Canteiros de Poio e a sona chegoulle anos despois polos seus monumentos megalíticos. O escultor cambadés é hoxe unha referencia internacional con obra exposta en Europa, nos Estados Unidos ou no Xapón.
Manolo Paz abre as portas da súa Fundación, situada na desembocadura do río Umia, un proxecto compartido coa súa dona e que acolle unha das máis importantes coleccións de arte contemporánea dun artista galego. Fala con Manquiña dos seus proxectos de presente e futuro e das anécdotas máis destacadas da súa vida.
Pablo Novoa Álvarez - 28/02/2018 00:15
“O Gato con Botas” viaxa ata Vigo para coñecer a Pablo Novoa Álvarez, un arqueólogo que ten ás súas costas moitos anos de investigación no noso país e tamén en Portugal, Estados Unidos, Perú, Bolivia, Venezuela ou Colombia.
Na súa conversa con Manuel Manquiña fala da súa vida e infancia, de como unha noite de inverno que quedou pechado no museo de Lugo foi a súa inspiración para converterse en arqueólogo. Tamén como tivo que emigrar a Venezuela, onde un cliente da súa tenda de fotografía o levaría a ver uns espectaculares gravados indios. O seu amor pola arqueoloxía non pararía de medrar ata a actualidade.
A día de hoxe Novoa é un dos arqueólogos de referencia do noso país. O 'Indiana Jones' galego, converteuse nun dos máis importantes descubridores de arte rupestre precolombina do século XX e participou en achados fundamentais para a arqueoloxía galega e do norte de Portugal, como as grandes figuras megalíticas da serra Peneda Geres.
No programa tamén descubrimos o interese que te
Irene Milleiro - 21/02/2018 00:00
Ata Sanxenxo viaxa “O Gato con Botas” para pasar o día cunha defensora das causas perdidas: Irene Milleiro, directora europea de Change.org, que adoitaba disfrazarse de Robin Hood cando era nena mentres xogaba a cambiar ou mundo. Con 17 anos marchou de Pontevedra para estudar Dereito en Bilbao e pasou moito tempo traballando a prol dos dereitos humanos, chegando á mesma comisión europea. Irene cóntalle a Manuel Manquiña como é o seu traballo en Change.org, unha das maiores webs de peticións online do mundo.
Residente en Madrid desde hai anos, recibe o equipo do programa na casa familiar de Sanxenxo, onde acode sempre que pode coa súa muller e os seus fillos. Manquiña fala co seu pai, quen lembra as anécdotas máis curiosas da adolescencia de Irene e pasea polos seus recunchos favoritos de Pontevedra.
Javier Olleros - 14/02/2018 00:05
“O Gato con Botas” viaxa ata O Grove para entrevistar a Javier Olleros, fundador de Culler de Pau, un dos restaurantes de referencia na gastronomía galega. Da man de Manuel Manquiña, Olleros fai un percorrido pola súa infancia, que pasou criado polos seus avós e soñando con ser futbolista.
O programa xira arredor de Ollleros e da súa dona, Amaranta, fundadores dun dos restaurantes imprescindibles en Galicia. Ambos os dous contan os segredos do éxito dunha cociña que mestura a modernidade cos produtos da terra. Coñecemos a horta ecolóxica onde medran as materias primas que se converterán en pratos na Culler de Pau, así coma o mercado local que abastece o restaurante.
Otros programas de reportajes >
Otros programas de TVG (Galicia) >
