Latexos da cidade
Latexos da Cidade mide o pulso das cidades galegas.
País: España
Idioma: Gallego
Contenido: Reportajes
Tema: Sociedad, Viajes
URL: http://www.crtvg.es/tvg/a-carta/programa/latexos-da-cidade
País: España
Idioma: Gallego
Contenido: Reportajes
Tema: Sociedad, Viajes
URL: http://www.crtvg.es/tvg/a-carta/programa/latexos-da-cidade
Episodios disponibles para ver online
O arsenal militar de Ferrol, a Facultade de Veterinaria de Lugo, un ximnasio en Vigo e os recunchos de película da Coruña - 28/09/2019 19:15
Latexos da cidade mide o pulso das cidades galegas. Neste programa, comezamos a xornada en Ferrol, onde nos abren as portas do arsenal militar, para botar un ollo ás curiosidades deste lugar tan antigo como misterioso. Logo, a media mañá, visitaremos a Universidade de Lugo, e a Facultade de Veterinaria, onde suceden cousas ben exóticas. Tras o xantar, é hora de descubrir o lado máis deportista dos vigueses, nun dos ximnasios con máis afluencia de xente. Rematamos o día cuns bos flocos de millo nos cines da Coruña, onde tamén descubriremos os recuchos "de película" da cidade.
O mercado de abastos de Ferrol, os taxistas vigueses, unha inmobiliaria na Coruña e o Lugo máis romano - 21/09/2019 19:15
Latexos da cidade mide o pulso das cidades galegas. Hoxe chegamos a Ferrol a primeira hora da mañá para pasar unhas horas cos veciños de Recimil no mercado de abastos. Logo, collemos o taxi para ir a Vigo, onde descubriremos como é o día a día dos taxistas vigueses. Pola tarde, visitamos A Coruña, un lugar para quedar a vivir, se os alugueiros non fosen tan caros! De isto falaremos con unha das inmobiliarias máis céntricas da cidade. E xa de noite, para relaxarnos, viaxamos atrás no tempo ata chegar ao Lugo máis romano e pasar unha peculiar noite de festa.
Unha empresa de mensaxería en Santiago, un estudo de arquitectos en Vigo e un viveiro de empresas na Coruña - 14/09/2019 19:15
Latexos da cidade mide o pulso das cidades galegas. Hoxe pasamos a mañá en Santiago, coñecendo todo o rueiro da cidade da man dun dos repartidores de MRW. Despois, visitamos Vigo, para coñecer a arquitectura máis moderna da cidade olívica. Pasaremos a tarde na Coruña, compartindo café e boas ideas cos membros do Papagaio, un coworking do Concello destinado ao emprendemento. E a nosa última parada do día é Pontevedra, onde quentaremos as mans cun bo cucurucho de castañas.
Un gran hotel na Coruña, o liceo marítimo de Bouzas e a Facultade de Belas Artes de Pontevedra - 05/09/2019 00:30
Os bombeiros da Coruña, un salón de peiteado en Vigo e unha clase de karate en Santiago - 28/08/2019 22:00
Latexos da Cidade mide o pulso das cidades galegas. Neste primeiro programa, comezamos a xornada en Ferrol, na entrada de Navantia, un dos pulmóns económicos da cidade, onde esperan unha peza moi importante. A media mañá desprazámonos ata A Coruña, onde un equipo de heroes anónimos, os bombeiros, se preparan para unha xornada na que terán unha saída urxente. Pasada xa a hora de comer é hora de relaxarse na cidade de Vigo, onde nos agardan cos brazos abertos, nun dos salóns de peiteado máis grandes de Galicia. E a última hora poñemos rumbo a Santiago, onde o propietario do bar Galicia asiste a clases de karate antes de facer fronte a unha madrugada facendo pizzas para todos os festeiros da cidade.
A praza de abastos de Ourense, unha farmacia na Coruña, o espazo Arroelo en Pontevedra e un bar en Vigo - 21/08/2019 22:00
Latexos da Cidade mide o pulso das cidades galegas. Hoxe visitamos a primeira hora a cidade de Ourense, preparados para encher o cesto nun lugar con moito movemento, a praza de abastos. A media mañá movémonos á Coruña, onde nos reciben nunha das farmacias máis grandes e modernas de Galicia. Pasaremos a tarde na fermosa Pontevedra, no espazo Arroelo, un coworking en que máis que compañeiros, son familia. E a última hora do día marcharemos cara a Vigo, para tomar algo e gozar dos amigos durante un partido do Celta.
Autobuses de Coruña, un taller en Pontevedra, confiterías ourensás e o Areal de Vigo - 14/08/2019 22:00
Latexos da Cidade mide o pulso das cidades galegas. Neste programa comezamos o día sobre rodas na cidade da Coruña, onde un condutor de bus urbanos nos dará un bo paseo pola cidade. Despois, en Pontevedra, farannos un oco nun taller de coches, onde coñeceremos os principais problemas dos vehículos pontevedreses. A tarde preséntase bonita, e moi doce, cunha ruta polas principais confiterías e pastelerías ourensás. Por último, tras coller forzas, imos cara Vigo, para bailar a ritmo de pop, dance, reggaeton ou o que cadre, nos locais do Areal.
Café en Lugo, un cruceiro en Vigo, a Casa da Auga en Coruña e un matrón en Ourense - 07/08/2019 22:00
Latexos da Cidade mide o pulso das cidades galegas. Hoxe arrancamos o día na cidade amurallada de Lugo, onde nos agardan cun bo café nas mans de Cafés Candelas. Despois, desfrutaremos do sol e do mar en Vigo, onde celebran o arranque dun cruceiro que poñerá rumbo aos mares do norte dende a cidade viguesa. Pola tarde aproveitaremos a auga pero de outra maneira, relaxándonos xunto a un convidado moi especial na Casa del Agua da Coruña. E xa para rematar o día, poñemos rumbo a Ourense, onde Miquel, matrón, esteticista e cantante, nos ensinará algúns dos lugares e actividades máis interesantes da cidade.
Un colexio da Coruña, unha empresa en Ourense, un centro comercial en Vigo e un hospital en Lugo - 31/07/2019 22:00
Latexos da cidade mide o pulso das cidades galegas. Neste programa, comezamos a xornada no atasco que causa en Matogrande a entrada a un colexio moi activo, o Liceo La Paz. Despois, a media mañá, poñemos rumbo a Ourense, onde unha patronista de Adolfo Domínguez nos mostrará o lado máis elegante da cidade, nunha empresa na que todos son xa familia. A tarde pasarémola na cidade de Vigo, no centro comercial Gran Vía, en que nos mostrarán as 'tripas' dun centro destas dimensións. Por último, achegarémonos de cara á noitiña a Lugo, onde o Hospital Polusa abrirá as portas do seu centro de urxencias para nós.
Os xulgados de Vigo, o casco vello de Lugo, a policía local de Ourense e o 061 de Pontevedra - 17/07/2019 22:00
Latexos da Cidade mide o pulso das cidades galegas. Neste capítulo visitamos a primeira hora o Xulgado do Social nº2 de Vigo, onde asistiremos a varios xuízos e coñeceremos o funcionamento da xustiza viguesa. Despois, para repoñer forzas, que mellor que unha boa tapa no casco vello de Lugo, da man da Taberna Daniel. Xa xantados, achegarémonos a Ourense para acompañar ao equipo da Policía Local no seu traballo diario, con accidente incluído. E xa de tarde nos diriximos a Pontevedra, onde o equipo do 061 está sempre listo para saír correndo, pero con xeito, a velar pola saúde dos seus cidadáns.
A lonxa da Coruña, Correos en Vigo, guías en Santiago e a estación de tren de Ourense - 10/07/2019 22:00
Latexos da Cidade mide o pulso das cidades galegas. Neste programa, comezamos a xornada en Coruña, onde subastadores e praceiros madrugan para vender e mercar o peixe e marisco que logo chegará aos nosos pratos. Xa de mañá, poñemos rumbo a Vigo, onde Luz, traballadora de Correos, percorrerá a cidade tentando entregar todos os paquetes posibles. Despois de comer é hora de visitar Santiago, e da man de alguén que a coñece moi ben, un grupo de guías turísticos que están a facer unha visita guiada gratuita, con fins solidarios. Rematamos o día na vila de Ourense, onde a estación de tren é lugar de paso para viaxeiros que veñen e van.
Ourense, Vigo, A Coruña e Santiago - 03/07/2019 22:15
Latexos da Cidade mide o pulso das cidades galegas. Hoxe imos de mañanciña cara Ourense, onde veremos como o equipo do Aquié se prepara para comezar a xornada. Despois, darémonos un minuto de respiro en Vigo, tomando algo nunha terraza do Casco Vello e desfrutando do ambiente do vermú vigués. Pola tarde, é hora de vestir de branco e azul para apoiar ao Deportivo, rodeados de todos os seus devotos seareiros, e a última hora prepararémonos para pasar unha noite moi movida co equipo de recollida de residuos da capital galega, Santiago de Compostela.
O mercado de Coia, o barrio de Monte Alto, a estación de autobuses de Santiago e o Breogán de Lugo - 26/06/2019 22:00
Latexos da cidade mide o pulso das cidades galegas. Hoxe imos de mañanciña cara a Vigo, onde os 122 vendedores do mercado de Coia, están xa a montar os seus postos. Despois poñemos rumbo á Coruña, onde o bo ambiente e a boa comida non pode faltar, nun barrio máis coruñés que a propia torre de Hércules, Monte Alto. A tarde pasarémola rodeados de peregrinos que collen un autobús para volver á casa, na estación de Santiago de Compostela, e rematamos o día coa tensión dun bo partido de baloncesto co Breogán de Lugo.
Otros programas de reportajes >
Otros programas de TVG (Galicia) >
