Close

Hai caldo!

Apadriñado por Xosé Ramón Gayoso, Adrián Díaz ponse aos mans do primeiro late night gastonómico d...

País: España
Idioma: Gallego
Contenido: Entretenimiento
Tema: Cocina
URL: http://www.crtvg.es/tvg/a-carta/programa/hai-caldo

Episodios disponibles para ver online

Con Tonhito de Poi e Xoana - 05/04/2020 23:30
Con Sergio Pazos e Leticia Sabater - 29/03/2020 23:30
Con Isabel Blanco e Boyanka Kostova - 23/03/2020 00:00
Programa 7: Con Alba Mancebo, Olaxonmario e Aquel-e - 16/03/2020 00:00
Programa 6: Con Óscar de Toro e Carlangas - 08/03/2020 23:30
No sexto programa Adrián convida a un caldo ao mellor barista de España, Óscar de Toro, co que terá tempo de falar das claves para gañar todos os campionatos aos que se presenta, uns calcetíns da sorte e como preparar un café de pota de primeira. O segundo convidado é un gran amigo da infancia: Carlangas. Unha entrevista chea de anécdotas do pasado que se complicará por momentos porque ao cantante de Novedades Carminha non hai quen lle poña límites! Iso si, no cara a cara Adrián terá a súa revancha para poñer ao seu vello amigo nalgún que outro brete. E, por suposto, non faltarán as colaboracións de Charlie e Olaya Rivas, que amosará a súa experiencia de barista por un día.
Programa 5: Con Wöyza e Pili Pampín - 01/03/2020 23:30
No quinto programa Adrián convida a un caldo á cantante moañesa de hip hop e soul Wöyza, que vén de gravar de New York para o seu último EP Tábula Rasa. Ademais cantaranos en directo un anaquiño e amosará como fai o seu puño americano coa man. A segunda convidada será a sen par estrela da canción galega Pili Pampín. Con ela, no Cara a Cara, Adrián terá que sufrir para aguantar a risa. E, por suposto non faltarán as colaboracións de Charlie e Olaya Rivas, que ademais de chamarlle Ana Kiro por erro a Pili Pampín avísanos de que a cantante galega está en Amazon.
Programa 4: Co rapeiro Ricky Home Libre e coa 'youtuber' Percebes e Grelos, Carolina Iglesias - 23/02/2020 23:30
No cuarto programa Adrián convida ao rapeiro Ricky Home Libre, que nos contará como lle vai co seu andar musical. E ademais, por primeira vez na historia veremos a Adri marcarse un rap a dúo con Ricky. E non sae mal de todo! A segunda convidada será a cómica, guionista, escritora e youtuber Carolina Iglesias, mais coñecida como Percebes y Grelos. Con ela terá Adrián o seu particular Cara a Cara, onde sairán á luz segredos inconfesables. E, por suposto non faltarán as colaboracións de Charlie e Olaya Rivas, esta última cunha reportaxe sobre a moda do agrochic gastrosexual.
Programa 3: co chef David Couñago e Susana Seivane - 16/02/2020 23:30
No terceiro programa Adrián convida a un caldiño ao chef vigués David Couñago, gañador do premio ao mellor arroz de España. Ademais da entrevista, o chef preparará para o público uns petiscos que triunfan no seu restaurante Malasangre. A segunda convidada será a gaiteira Susana Seivane, que sacará a súa cara mais divertida. E con ela terá Adrián o seu Cara a Cara, no que ademais dunha cobra haberá un bico inesperado. E, por suposto non faltarán as colaboracións de Charlie e Olaya Rivas, cun xogo chamado “Come ou non come?”, no que Susana Seivane deberá adiviñar se a xente da rúa come os saltóns e vermes que lles ofrece a nosa Olaya.
Programa 2: co empresario Xosé Portas e Ramoncín - 09/02/2020 23:30
No segundo programa Adrián convida ao sonado empresario da carne Xosé Portas, un galego que ademais de manexar a mellor carne de España, coñece a mais famosos que Pablo Motos. Daí que nun xiro imprevisto, Adrián lle pida que lle traia a algún ao programa. E Xosé Portas obra o miragre. A través dun whatsapp convence a Ramoncín para que se achegue ao plató, xa que anda por Vigo. Así pois, o segundo convidado da noite será o mítico Ramoncín, que sabe de todo, tamén de remedios caseiros! E inauguraremos a entrevista Cara a Cara, a primeira vez na historia da televisión que se fai realmente cara a cara, concretamente a un centímetro. Os segredos mais curiosos de Ramoncín serán desvelados nesa entrevista.
Programa 1: Gayoso, Tete Delgado, Farruco e Terbutalina - 02/02/2020 23:45
No primeiro programa Adrián contará como se fraguou esta loucura nun programa piloto ao que acudiu Xosé Ramón Gayoso. Nos vídeos que se emitirán en primicia da gravación do piloto, veremos que Gayoso non rematou de fiarse de Adrián e mandou instalar un teléfono vermello para poder chamar se algún contido de Hai Caldo! Se pasa da raia. Os convidados de luxo serán Xosé Ramón Gayoso, Tete Delgado, Farruco e o grupo galego Terbutalina, que ademais, pon a música da cabceira. E, por suposto non faltarán as colaboracións de Olaya Rivas e Charlie.

Otros programas de entretenimiento >


Otros programas de TVG (Galicia) >