Xuntanza

Nun mundu qu’avanza a toa velocidá, 'Xuntanza' propón una pausa. Una pausa pa escuchar, pa baillar, pa realcontrase. Esti formatu televisivu nuevu –ensin presentador, ensin artificios, pero con muncha alma– naz con una premisa clara: celebrar la música al traviés de quien la viven, la reinventen y la tresmiten. Cada episodiu pon el focu nun xéneru musical o nun/a artista asturianu/a. Al traviés d’entrevistes sinceres y actuaciones musicales en directo, el público va descubrir la so aportación a la música asturiana, los sos momentos clave, los proyectos compartíos y les vivencies que los axuntaron nesti viaxe sonoru. L’oxetivu ye doble: recuperar y conservar una muestra significativa del nuestru patrimoniu sonoru y, al mesmu tiempu, ufiertar una esperiencia emocionante, cercana y humana, onde l’espectador se sienta parte d’esa aunión.