Premiu d'Asturianada Obdulia Álvarez La Busdonga

La Conseyería de Cultura, Política Llingüística y Deporte creó’l Premiu Obdulia Álvarez La Busdonga d’Asturianada, una reconocencia destinada a promover y difundir la canción asturiana, una de les manifestaciones culturales más significatives de la comunidá autónoma que se declaró Bien d’Interés Cultural de calter inmaterial nel 2015. Con esti premiu nuevu, Cultura busca reconocer y valorar la tradición tan rica de l’asturianada y el llabor d’aquelles persones que caltienen viva esta forma d’arte y fomentar l’usu de la llingua asturiana, promoviendo la so normalización y espardimientu al traviés de la música.