Día de Vicente Díaz

El Concursu Cuenca del Caudal dedicó esti añu'l so arranque nel Auditoriu Teodoro Cuesta de Mieres a una de les figures más grandes de la canción y la música asturiana, Vicente Díaz. Alredor d'l, delles de les principales figures asturianes recordaron les que fueron les sos canciones más significatives: asina Avelino Fernández Corte recordónos 'El pañuelín'; José Antonio González 'Cantu la Vara'repasó'l 'Xilguerín parleru'; Luis Estarada y Jorge Tuya cantaron tonada asturiana per separáu y xuntáronse como Dúo Astur pa versionar les 'Montañes d’Asturies'; el músicu Fernando Corujo trúxonos a la memoria les 'Campanines de mio aldea' del compositor Falo Moro; el cantador Jesús Alonso fizo sonar el 'Barriu marineru'; la voz fonda de Gabriel González Tuya truxo 'La platera del Fondón'; el gaiteru Vicente Prado que revisó les 'Maravilles d’Asturies'; y Álvaro Fernández Conde punxo al día 'Si yo fuera picador'; toos ellos acompañaos poles gaites de Santos Alonso y Diego García, como tamién po