Presiona ESC para cerrar

Carátula del programa Déxate d’histories

'Déxate d'histories' ye'l nuevu formatu de TPA qu'amiesta Historia y Humor. El programa plantega un repasu audiovisual a la historia más recién d'Asturies, contada per dalgún de los sos protagonistes, con testimonios d'asturianos anónimos y/o reconocíos que cuenten cómo vivieron los fechos y lo que significó nes sos vides. Un espaciu documental y d'entretenimientu, que nun pierde de vista'l rigor históricu y que rescata cachos de la nuesa historia. Un formatu que recordará los grandes momentos del pasáu recién, pero tamién aquelles histories pequeñes y anécdotes que formen parte del nuesu imaxinariu colleutivu. Y siempres col humor como filu conductor. L'espaciu va tar conducíu por dos presentadores y una presentadora. Per un llau, dos actores de reconocida trayectoria: Jorge Moreno y Alberto Rodríguez y per otru Alma Hidalgo, una cara nueva pa la cadena. El programa cuenta con el apoyo de la Dirección General de Política Llingüística

Página del programa en RTPA (Asturias) >