“Vivir Aquí” fai un percorrido pola celebración do Entroido en Galicia e destaca as festividades e tradicións máis singulares da nosa terra que non se poden ver en ningún outro lugar do mundo. Así, o programa vai ata Chantada e Laza, onde as formigas e a fariña converten a festa nunha das máis divertidas. Tamén amosa os doces típicos desas datas, máis alá das tradicionais filloas, e os traxes do Entroido máis representativos, coma son as pantallas de Xinzo ou os xenerais do Ulla.