A presentadora Nieves Rodríguez está en Sada, onde celebran as Festas do Carme cunha espectacular procesión marítima en que os sentimentos están a flor de pel. A reporteira Belén Rivero acode ao Festival de Ortigueira; mentres que Ariadna Leis asiste no concello de Muros ás carrilanas de Esteiro e Belén Vara é testemuña da enxebre Rapa das Bestas de Amil, no concello pontevedrés de Moraña. As cámaras de “Vaia Troula” recollen ademais imaxes do ambiente da Festa dos Callos do Carnés, en Vimianzo, da Batalla de Flores de Marín, da Feira Medieval de Noia e da celebración de San Cristovo de Enfesta, en Santiago de Compostela. A Feira do Viño do Rosal, as festas da parroquia de Quembre, en Carral, e a gran sardiñada de Santa Isabel de Lieiro, en Cervo, completan o menú trouleiro do programa.
