O percorrido polo Courel comeza cunhas visitas ao Museo Etnográfico de Quiroga, ao castelo de Carbedo e á aldea medieval de Seceda, en tempos, unha das parroquias máis importantes do Courel, cando os carros cargados de minerais pasaban por alí cara á ferrería da Lousadela.
En San Salvador do Hospital, no concello de Quiroga, fará parada como aqueles peregrinos xacobeos que facían o Camiño de Inverno, para despois dirixirse cara á capela de Santa María Madalena de Veneira de Roques, na Pobra do Brollón. Desde este emprazamento, ‘Un país en 360’ iniciará unha ruta que se achegará ao pasado mineiro do Courel, xa que esta era zona de minas de ferro.
Outra das propostas do programa no Courel será coñecer a Fundación Uxío Novoneyra e dar un paseo por Ferramulín, unha fermosa aldea de Folgoso do Courel; polo Hospital do Incio, núcleo rural catalogado como conxunto etnográfico e arquitectónico, e pola Devesa de Rogueira.
As montañas do Courel convertéronse en 2019 no primeiro xeoparque de G
