Hadrián Castiñeira vai á vila falar coa súa irmá, e de volta en Santiago pensa na posibilidade de aceptar a proposta de Laura de dirixir un documental. Un vello vagabundo chega á taberna e conta a historia dun home que nace de vello, espido nun camposanto, e vai vivindo a súa vida en orde inversa a como a viven o resto dos mortais. O desarraigo, a volta atrás, o paso inexorable da vida e, por tanto, a importancia das decisións que non teñen volta, fan reflexionar a Hadrián sobre o seu presente e o seu futuro.