O equipo do programa viaxa ata a localidade de Corme para exaltar outro dos manxares máis prezados da nosa gastronomía: o percebe. A Festa do Percebe de Corme está moi pensada polos organizadores, xa que por estas datas e segundo a lúa e as mareas é cando hai máis percebes nas fermosas pedras do Roncudo. O equipo de “Sopa de Festa” acompañou durante toda a xornada os membros da confraría de pescadores para ver como prepararon os más de 1.000 quilos de percebes que foron degustados do xeito máis saboroso que se coñece, acompañados dun bo viño e de cachelos. Ademais deste rico manxar, os asistentes puideron degustar outros ricos produtos do mar e gozar coa boa música que reinou durante toda a xornada.
