O equipo do programa trasládase ata a localidade lucense de Pedrafita, onde desde hai máis de trinta anos se produce o queixo do Cebreiro, un manxar que conta con Denominación de Orixe Protexida desde o ano 2008. Está elaborado con leite de vaca e non leva ningún conservante nin produtos engadidos. Durante a Feira do Queixo do Cebreiro, ademais de catar o lácteo, pódense probar outros produtos elaborados de forma artesá na contorna coma mel, pan, viño, embutidos, empanadas e alimentos da horta.
