Nesta ocasión o carteiro visita Chantada, onde agarda atopar a Beatriz Pérez, guía turística. Beatriz prestarase a levarnos por Chantada, onde veremos o Muíño de San Pedro de Viana onde Óscar Rodríguez vai aparecer e tocar a gaita.
Na Adega Condado de Sequeiras será Andrea Vázquez a que nos fale da produción de viño da zona. Visitando a Gandaría Baltar, o noso Carteiro probará o doce de leite que Álvaro Pérez e Alfonso Fernández lle ofrecen. Finalmente, en Penasillás, visitaremos a Liliana López e falaremos do Camiño que pasa á beira da súa Taberna do Peto.
