No programa de hoxe Víctor visita Carnota e irá en busca de Reme, unha veciña de Lariño que, desde hai anos, se dedica a facer artesanía con pezas recollidas no mar. Ela levaranos de ruta visitando a lonxa de Portocubelo, onde saberemos de primeira man que é iso do Festórreo. Tamén coñeceremos a Alicia Vázquez, unha muller emprendedora que fai arte cos refugallos das praias, e a Jessica Martínez, que acaba de abrir unha libraría na vila. A nota simpática virá da man da Charanga dos Tabernícolas, na que participa activamente a nosa anfitriona.
