O Vicedo é un porto que nos parece moi humano, polas súas dimensións e polo ser das súas xentes. A Confraría conta con dezaseis mariscadoras a pé que collen fundamentalmente ostra e percebe, e oito mariñeiros que traballan artes menores, collendo maioritariamente nécora, centola e polbo.
Imos á zona marisqueira con Azucena Gasalla, Marita Novo e Rosa Martinez. O Vicedo foi porto de industrias conserveiras e traballou neste sector Susana Riveira. Para cociñar un home de mar e con experiencia hostaleira. Manolo do Remo.
