O porto do Pindo é un porto esencialmente dedicado ao marisqueo a pé, onde os recursos principais son o percebe, o ourizo e a mexilla, e conta con 24 socios e socias na Confraría. Na Confraría do Pindo tamén traballan moitas mariscadoras de Caldebarcos como Teresa Lado, xa retirada. Merche Día é a secretaria da Confraría dende que esta iniciou a súa actividade. María Vázquez, foi mariscadora toda a súa vida e hoxe vainos convidar a unha caldeirada de maragota. As pandeireteiras de 'A solaina' interpretan pezas que falan do Pindo. Da historia do Pindo, do porto e do monte, sabe Xilberto Caamaño. E memoria viva deste e mar é Marina Riveiro, muller de sabedoría vital. E nas rochas do mar estará Noelia Insua, que anda ao ourizo.