A procesión do Cristo da Victoria celébrase o primeiro domingo de agosto e reúne  milleiros de persoas, que procesionan polas rúas de Vigo ata a Porta do Sol, onde remata. Ningún outro evento en Galicia destas características conta con tanto seguimento. Desde a súa localización en Bouzas, a TVG emitirá un programa especial, onde amosará o percorrido da talla e no que Moncho Lemos terá ocasión de comentar aspectos coma a orixe deste acto relixioso, as características e procedencia do santo ou o seu vínculo coa cidade. Tradicionalmente, relaciónase a procesión e o Cristo coa vitoria sobre as tropas napoleónicas que invadiron a cidade no 1809.