A recuperación de Sara avanza pouco a pouco, pero Emilio non perde a esperanza de que recupere a consciencia. Mentres, investiga a posible participación de Carlos no intento de asasinato que deixou á súa namorada en estado catatónico. Mónica está nerviosa ante a primeira voda que se vai celebrar no pazo. Leonor, máis ca axudar co negocio dos eventos, o que fai é investir de máis antes de que cheguen os primeiros e tan necesarios ingresos.
