Se nalgún sitio se nota a apertura de fronteiras ao turismo é nos aeroportos. En Galicia o de Santiago retoma pouco a pouco a actividade, despois de meses sen practicamente máis movemento que o de abastecemento de material sanitario. Agora a normativa de desprazamento é máis estrita ca nunca, e na maioría das terminais só se permite o acceso dos que van viaxar. Con todo as escenas de chegadas e saídas, saúdos e mesmo bicos e abrazos empezan a ser cada vez máis frecuentes e animan moito esta 'nova normalidade'.
