Na edición desta semana competirán polo premio a Carpintería JDJ Paz, de Vilalba, e Cárnicas Mosquera, de Arzúa. Os clientes de JDJ Paz son de toda a vida. Gran parte da clientela foi herdada de seu pai, que empezou co negocio hai 20 anos.
Pola súa parte, a carnicería Mosquera foi fundada polos avós dos actuais propietarios alá polos anos 40. Despois pasou aos tíos, aos pais e finalmente a eles. Toño é o todo terreo e xa lle gustaba ir de neno ás feiras co seu pai. Na tenda fai de todo, menos os chourizos, e é o que vai buscar os becerros.
