No Villa San Nicolás con base en Burela e armador de Tapia de Casariego, o 18 de xaneiro de 1990 ían doce homes rumbo á zona do arquipélago das Azores á pesca do peixe espada. Sete eran da vila de Fisterra. Preto de Aguiño a dúas millas de Punta Couso, nos baixos da zona dos Punteiros o barco tocou feríndose de morte, pero os seus doce tripulantes puideron abandonar o barco e foron rescatados por barcos de Aguiño.