Para o sexto programa, gravado no Auditorio Municipal da Illa de Arousa, o versátil Carlos Blanco exerce nesta función de convidado, xunto ao actor local Ramón Suárez, e completan o coñecido elenco de actores que conforma esta proposta televisiva.
Nesta ocasión coñecemos as tradicións das mariscadoras da Arousa, que loitan contra o furtivismo dos turistas, á súa maneira, cambiándoos por cada longueirón desenterrado. E á hora de mercar mobles, asistimos á peregrinación dunha señora da vila que decide achegarse a unha multinacional da Coruña e non consegue entenderse co empregado. "Malo será" tampouco se esquece do amor ou do desamor, como ingredientes para ofrecer o mellor humor de Galicia.Títulos das historias que se representan:
- Unha cea moi estraña.
- Piso con vistas.
- A cadeira que veu de Europa.
- Miña moza, a enfermeira.
- Unha comida especial.
- Terapias alternativas.
- Mentiras arriscadas.
- As causas perdidas.