Malo será! chega á Terra da Chispa. Aquí nas tabernas aínda é posible probar licor café sen etiqueta e bo viño. Ao menos na taberna de César e Manola, que reciben a noticia da chegada dun inspector de sanidade que pode cambiarlles a vida.
Na segunda entrega hai sketchs de todo tipo, historias coma a dun camareiro que parece coñecer todos os detalles das relacións amorosas dos seus clientes, unha vidente que –quen sabe a razón- adiviña todo o que se propón, ou unha voda en que a noiva, pero tamén o cura, reciben unha noticia coa que non contaban.
Títulos das historias que se representan:
- Agardando polo inspector
- A muller do lado
- Ágatha Triste
- Hotel Casablanca
- Botellón na mansión
- O fillo inesperado
- Subvencións
- Que fale agora