A primeira parada será San Salvador do Hospital, unha parroquia do concello lucense de Quiroga. Terra de gandeiros, de lousa, de aceite e de viño. Os viñedos  dominan aquí a paisaxe e os espectadores poderán coñecer os de José e a granxa de porcos de José Luís. A paisaxe do Hospital convida a camiñar, é un espazo protexido e o equipo do programa vai percorrer a zona.  Por último, os reporteiros do programa estarán en Santo Estevo de Oca, unha parroquia do concello pontevedrés da Estrada, un territorio de brañas e lagoas dominado polo río Ulla e un gran lugar de acentuada tradición presidido por un senlleiro pazo e moi vinculado á terra: o pazo de Oca. O equipo coñecerá os caseiros do pazo e comprobarán como preparan os veciños a festividade de Corpus.