O programa “Grandes Lugares” visita nesta entrega a parroquia de Bolmente, en Sober. Esta terra é coñecida polo famoso viño de Amandi e conta cunhas paisaxes que se poden contemplar dende calquera dos seus miradoiros. Por outra banda, os reporteiros do programa tamén visitan o lugar de Eiré, no concello de Ferreira de Pantón, un lugar onde a matanza e a pica do porco é unha festa que segue moi arraigada entre os veciños. Por último, os espectadores tamén poden coñecer Santa María de Segán, no Saviñao, onde as bodegas dan traballo a maioría dos seus veciños.
