Chegamos co autobús de "Gastrópodos" á vila lucense de Portomarín, á beira do encoro de Belesar. Desta volta, o obxectivo é a anguía. Este peixe, que noutrora era abundante nas ribeiras do Miño ao seu paso por Portomarín, foi minguando na súa importancia debido á construción dos encoros.
A presentadora Marta Doviro busca pola vila adiante un cociñeiro que lle faga fronte á chef e estrela Michelín Beatriz Sotelo. Orival escollido é o xefe de cociña da Pousada de Portomarín, Antonio Busto.
Ademais de seguir a competición entre cociñeiros, coñecemos cuestións relativas á pesca tradicional da anguía no río Miño, das famosas tortas de Ancano e da augardente de Portomarín.
