Aurora preséntase no despacho do seu pai e atópao reunido con Belén en actitude sospeitosa. Marisa segue buscando un membro da familia que lle baile a auga para seguir co seu plan de medrar a costa dos Douro e de paso encher de celos a Roberto. Elsa pídelle desculpas a Carlos por organizar a cea con Nina, pero a cambio pretende que el lle conte a historia da súa relación con Nina desde o principio. Asun está a piques de chegar á casa e non saben como dicirlle o da morte de Abel nin como reaccionará, xa que non se puido despedir de seu irmán pequeno.