Lois e Inés deciden tomarse uns días de descanso nunha casa de turismo rural, e vanse sen coñece-las últimas novidades. Por orde do concello acaba de instalarse diante da tenda un grupo de hippies que montaron un mercadiño e están a altera-la vida da tenda, tomándoa como centro de operacións para asombro de don Amador. Nieves quere aproveita-la ausencia de Lois e Inés para acaparar protagonismo dentro de Fíos e probar como deseñadora. Os deseños que fai parécenlle a todo o mundo horribles pero ninguén se atreve a dicirllo, co cal a aventura de Nieves como deseñadora traerá consecuencias pouco positivas para a empresa.