Festigaliando amosa desta volta un festival diferente, pola súa duración mensual, localizado ao pé da praia da Barrosa, en San Vicente do Mar, pola calidade das actuacións e cun ambiente máis recollido que de costume. O Náutico do Grove converteuse, co paso dos anos, nun referente das actuacións en directo nas tardes-noite de verán. Nesta viaxe ó Grove coñeceremos o ambiente turístico e festivaleiro que brota en cada curruncho de San Vicente do Mar e acompañaremos os artistas Coque Malla, Jenny and The Mexicats, Leiva e Iván Ferreiro nas súas actuacións no Náutico.